Ubuntu Shan LoCo Team

ၼႆႉမၼ်းပဵၼ် ၼႃႈၵၢၼ် ၸုမ်းပိၼ်ႇၽႃႇသႃႇ ဢူးပုၼ်းတု တႆး ဢၼ်ၼိုင်ႈသေ

Ubuntu Wiki

---

##သင်ဝႃႈ ၶႂ်ႈၸွႆႈထႅမ် ၼႃႈၵၢၼ် Wiki Project

ပိၼ်ႇၽႃႇသႃႇ WIKI

လႅၵ်ႈလၢႆႈ ႁႂ်ႈပဵၼ် MARKDOWN

ၸိူဝ်းၼႆႉသေၵေႃႈ ၸၢင်ႈၸွႆႈထႅမ် ၶဝ်ႈပႃးလႆႈယူႇၶႃႈ။

####ပိၼ်ႇၽႃႇသႃႇ WIKI

ပိၼ်ႇၽႃႇသႃႇ ၼႆသေတႃႉၵေႃႈ ဢမ်ႇၸႂ်ႈဝႃႈ ပွင်ႇၸွမ်း တူဝ်လႂ်တူဝ်ၼၼ်ႉ ၶေႃႈလႂ်ၶေႃႈၼၼ်ႉသေ ပိၼ်ႇၸွမ်းၵႂႃႇ ပွင်ႈလႂ်ပွင်ႈၼၼ်ႉ တႅမ်ႈပၼ် ႁႂ်ႈမၼ်းပွင်ႇငၢႆႈၼႆႉ ပဵၼ်ပိူင် လူင်ဢၼ်ႁဝ်းၶႃႈ ယိူင်းဢၢၼ်းယဝ်ႉ။ တီႈ Needၼၼ်ႉ လူဝ်ႇၾၢႆႇသင်ၵေႃႈ ႁဝ်းၶႃႈ ထတ်းသၢင်ႈဝႆႉပၼ်ယူႇ။ (ယၢမ်းလဵဝ်ၵေႃႈ တိုၵ်ႉထတ်းသၢင်ႈယူႇ)။ ၸိူဝ်းပဵၼ် ၾၢႆႇၼၼ်ႉ ဢၼ်မၼ်းထုၵ်ႇလီမီး ဢမ်ႇၼၼ် ၸိူဝ်းပဵၼ်တွၼ်ႈ ဢၼ်ႁဝ်း လူင်ႉလႅၼ်ႇၼၼ်ႉ ၸွႆႈထႅမ် ပိၼ်ႇၽႃႇသႃႇပၼ်လႆႈယူႇ။

သင်ၸိူဝ်ႉဝႃႈ ဢမ်ႇပေႃး မိုတ်ႈၵိုဝ်းၸမ်ၸႂ်ၵၼ်တင်း MARKDOWN လႄႈ GITHUB ၼႆ ဢဝ်ၾၢႆႇ txt ၼၼ်ႉ သူင်ႇၸူးပၼ်တီႈ [email protected] ၵေႃႈလႆႈယူႇၶႃႈ။ ၶႃႈႁဝ်းၶဝ် တေဢဝ်ၸိုဝ်ႈၸဝ်ႈၵဝ်ႇ သႂ်ႇဝႆႉပၼ် ၼႂ်းသဵၼ်ႈမၢႆယူႇၶႃႈ။

####လႅၵ်ႈလၢႆႈ ႁႂ်ႈပဵၼ် MARKDOWN

သင်ၸိူဝ်ႉဝႃႈ တေၶႂ်း လႅၵ်ႈလၢႆႈပဵၼ် MD သေသင်သူင်ႇပၼ်ၼႆ ဢွၼ်တၢင်းသုတ်း လဵပ်ႈႁဵၼ်းတူၺ်း Markdown သေၵေႃႈ တေၸၢင်ႈမူၼ်ႉမႄးလႆႈ ၸွမ်းၼင်ႇ လႆႈႁၼ်ၵႃႈတီႈ WIKI ၼၼ်ႉယူႇ။ သင်ၸိူဝ်ႉဝႃႈ တေၶႂ်ႈၸႂ်ႉ Software သေမႄးၼႆၵေႃႈ ၸဝ်ႈၵဝ်ႇ ၸၢင်ႈၸႂ်ႉ ၸိူဝ်းပဵၼ် Online လႄႈ Offline Editor လႆႈယူႇ။ တွၼ်ႈတႃႇတေတူၺ်း ၸိူဝ်းပဵၼ် ၾၢႆႇ MD ဢၼ်ၸဝ်ႈၵဝ်ႇ မႄးဝႆႉ ႁင်းၸဝ်ႈၵဝ်ႇၼၼ်ႉၵေႃႈ ၸၢင်ႈဢဝ် Markdown Veiw လႆႈယူႇၶႃႈ။

Markdown Guide

Online Editor

• https://stackedit.io/
• http://dillinger.io/
• http://markable.in/editor/
• http://jbt.github.io/markdown-editor/

Offline Editor

• https://www.gitbook.io/

• http://www.mdcharm.com/

• http://pad.haroopress.com/

• For Linux

  • https://atom.io/
  • http://remarkableapp.net/
  • http://sourceforge.net/projects/retext/
  • https://github.com/jpfleury/gedit-markdown

• For Windows

  • http://markdownpad.com/

Offline Viewer

• https://addons.mozilla.org/en-us/firefox/addon/markdown-viewer/
• https://chrome.google.com/webstore/search/Markdown%20Preview

သင်ၸိူဝ်ႉဝႃႈ လႅၵ်ႈလၢႆႈပဵၼ်ၵႂႃႇ MD ယဝ်ႉသေတႃႉ၊ ၸဝ်ႈၵဝ်ႇသမ်ႉ ဢမ်ႇပႆႇမီး ဢၶွင်ႉ GITHUB လႄႈသင်၊ ဢမ်ႇပႆႇပေႃး မိုတ်ႇၵိုဝ်းလူင်ႉလႅင်ႇတင်း GIT လႄႈသင် ပေႃးဝႃႈ ထူပ်းၺႃး တၢင်းယၢပ်ႇၽိုတ်ႇၸိူဝ်းၼႆႉ ၼႆၵေႃႈ ၶႅၼ်းတေႃႈ ၵပ်းသိုပ်ႇသူင်ႇမႃးပၼ်ၵႃႈတီႈ [email protected] ၵေႃႈလႆႈယူႇၶႃႈ။

##Git and Github ####Git

Git ၼႆႉ လုၵ်ႉတီႈ Linus Tourvals လႄႈ ၸိူဝ်းပဵၼ် Hacker တၢင်ႇၸိူဝ်းၶဝ် ၶူင်သၢင်ႈမႃး မိူဝ်ႈပီ ႒႐႐႕ ၼၼ်ႉယဝ်ႉ။ ၶဝ်ႁဵတ်းဢွၵ်ႇမႃးပဵၼ် source control management (SCM) ဢၼ်မႂ်ႇဝႃႈၼႆ။ ၶဝ်ယိူင်းဢၢၼ်းဝႆႉဝႃႈ ၼင်ႇႁိုဝ် မၼ်းပေႃးတေ ၸႂ်ႉတိုဝ်းလႆႈငၢႆႈငႅမ်ႈလိူဝ် ၸိူဝ်းပဵၼ် Concurrent Versions System (CVS) လႄႈ version control system (VCS) ဢၼ်ၵဝ်ႇၵဝ်ႇၼၼ်ႉၼႆယဝ်ႉ။

မိူဝ်ႈတႄႇမၼ်းတႄႉၵေႃႈ ၸိူဝ်းပဵၼ် Hacker ၶဝ်ၼႆႉ ၶဝ်ဢဝ်ၸႂ်ႉ ႁဵတ်းပဵၼ် ၶိူင်ႈၸႂ်ႉ တွၼ်ႈတႃႇတေ ၽွမ်ႉၵၼ် မူၼ်ႉမႄး Kernel ၶွင် Linux ၼႆယဝ်ႉ။

သင်ၸိူဝ်ႉဝႃႈ ၸဝ်ႈၵဝ်ႇ လုၵ်ႉတီႈ Terminal သေ ၸႂ်ႉၶေႃႈပူင် man လႄႈသင်၊ Whatis လႄႈသင် ထၢမ်တူၺ်း လဵပ်ႈႁဵၼ်းတူၺ်း လွင်ႈ git ၼႆ တေလႆႈႁၼ် ၶေႃႈယိူင်းထိုင် ၸွမ်းၼင်ႇ ပႃႈတႂ်ႈၼႆႉယူႇယဝ်ႉ။

"git - the stupid content tracker"

တွၼ်ႈတႃႇ လဵပ်ႈႁဵၼ်း ပိုၼ်ႉထၢၼ်ႇ လွင်ႈ GIT ၽၢႆႇတႆး

Git Guide

• http://git-scm.com/
• https://www.atlassian.com/git/tutorials
• https://github.com/
• https://bitbucket.org

####Github

Github ၼႆႉ မၼ်းပဵၼ် Software ဢၼ်ၵမ်ႉထႅမ်ပၼ် Git သေ ၸဝ်ႈၵဝ်ႇ ၸၢင်ႈဢဝ်ၸႂ်ႉတိုဝ်းလႆႈ လၢႆလၢႆယူႇ။ တွၼ်ႈတႃႇ Private Repo တႄႉ လႆႈပၼ်ငိုၼ်းသေတႃႉ တွၼ်ႈတႃႇ Public Repo တႄႉၵေႃႈ ၸၢင်ႈဢဝ်ၸႂ်ႉတိုဝ်းလႆႈ လၢႆလၢႆယူႇ။ ၸိူဝ်းပဵၼ် Public Repo ၼႆႉ ၵူၼ်းတၢင်းၼမ် ၸၢင်ႈၶဝ်ႈတူၺ်း၊ ၸၢင်ႈၶဝ်ႈႁူမ်ႈ မူၼ်ႉမႄး ၸွႆႈထႅမ်ၵၼ်လႄႈ ၸိူဝ်းပဵၼ် ၼႃႈၵၢၼ် Wiki Project ၼႆ တေလႆႈဝႃႈ မၼ်းပဵၼ်ဢၼ်ၶႅမ်ႉလႅပ်ႈယူႇတႄႉတႄႉ။

####တႃႇလုၵ်ႉတီႈ Git သေ လူတ်ႇလူင်းဢဝ် လုၵ်ႉတီႈ Download ၼႆႉသေၵေႃႈ ၸၢင်ႈ လူတ်ႇလူင်းဢဝ်လႆႈ ဢမ်ႇၵႃႈ ဢဝ် တီႈ Git ၵေႃႈလႆႈယူႇၶႃႈ။

ၽူၺ်ႇ Teminal သေ

Ctrl+Alt+T

ဢူၼ်းသႂ်ႇ Git လႄႈ။

sudo apt-get install git-core

####ႁၢင်ႈႁႅၼ်းတႃႇတႄႇ ၸွႆႈထႅမ်ၵၼ်

ပေႃးၼၼ် တီႈၶွမ်ႇပိဝ်ႇတႃႇၸဝ်ႈၵဝ်ႇၼၼ်ႉ ဢူၼ်းသႂ်ႇ Git ယဝ်ႉယဝ်ႈ။ ဢၶွင်ႉ Github ၵေႃႈ ပိုတ်ႇယဝ်ႉယဝ်ႈၼႆၸိုင် ၸဝ်ႈၵဝ်ႇ တေလႆႈၵႂႃႇႁဵတ်း Fork ပၼ် ၸိူဝ်းပဵၼ် repo ဢၼ်ၸဝ်ႈၵဝ်ႇ ၶႂ်ႈၸွႆႈထႅမ် ၸိူဝ်းမီးယူႇပႃႈတႂ်ႈ Foss Myanmar ၼၼ်ႉ။

သင်ၸိူဝ်ႉဝႃႈ မိူဝ်ႈဢွၼ်တၢင်း ၵေႃႈ မီးၸုမ်း github organization ဢၼ်ၸဝ်ႈၵဝ်ႇ ယၢမ်ႈၶဝ်ႈၸွႆႈမႃးၼႆ မၼ်းတေႁႂ်ႈလိူၵ်ႈ Account ၸွမ်းၼင်ႇ ႁၢင်ႈပႃႈတႂ်ႈၼႆႉၶႃႈယဝ်ႉ။

ပေႃးဝႃႈ ႁဵတ်း Fork ယဝ်ႉၼႆ ၸဝ်ႈၵဝ်ႇ ဢဝ်ဢၶွင်ႉဢၼ်ၸဝ်ႈၵဝ်ႇၸႂ်ႉတိုဝ်းသေ ႁဵတ်း fork ဢၼ်လႂ်ၵေႃႈ တေလႆႈမႃး repo ဢၼ်ၼၼ်ႉယူႇ။ ၸွမ်းၼင်ႇ ၼႄဝႆႉႁၢင်ႈပႃႈတႂ်ႈၼႆႉၼၼ်ႉ လုၵ်ႉတီႈ Terminal သေ ဢဝ် url ဢၼ်ၸဝ်ႈၵဝ်ႇ ၶႂ်ႈႁဵတ်း clone ၼၼ်ႉသေၵေႃႈ ၶႂ်ႈၵႂႃႇဝႆႉ တီႈလႂ်ၵေႃႈ ႁဵတ်း တေလႆႈလိူၵ်ႈ ပၼ်တီႈမၼ်းယဝ်ႉသေ ၸင်ႇႁဵတ်း Clone ၵႂႃႇ။

ပေႃးဝႃႈပဵၼ် ပွၵ်ႈၵမ်းဢၼ်တၢင်းသုတ်းၼႆတႄႉ ​လိူၵ်ႈပၼ်ဢွင်ႈတီႈတွၼ်ႈတႃႇႁဵတ်း git clone လႄႈ။ တူဝ်ယၢင်ႇမၼ်း မိူၼ်ၼင်ႇ Desktop သင်ၸိူဝ်ႉဝႃႈ ယၢမ်ႈႁဵတ်းဝႆႉ Clone ယဝ်ႉၼႆၵေႃႈ ၶႅၼ်းတေႃႈ ၵႂႃႇၸူး ၵႃႈတီႈၼၼ်ႈၶႃႈလႄႈ။

cd ~/Desktop

ပေႃႉပၼ် ၶေႃႈပူင် ၸွမ်းၼင်ႇ ပႃႈတႂ်ႈၼႆႉသေၵေႃႈ ၸဝ်ႈၵဝ်ႇ ႁဵတ်းပၼ် git clone လႄႈ။ ပေႃးၼၼ် မၼ်းတေယွၼ်း ဢၶွင်ႉ github လႄႈ မၢႆလပ်ႉမၼ်းမႃးဢေႃႈ။

git clone github.com/your-copied-clone-url

ဝၢႆးသေၼ်ႉတႄႉ ၸဝ်ႈၵဝ်ႇ တေၸၢင်ႈထႅမ်သႂ်ႇၾၢႆႇ ၼႂ်းတွၼ်ႈ Section ဢၼ်မီးၼႂ်း ubuntu-shan-wiki ၼၼ်ႉလႆႈယဝ်ႉ။

လိူၵ်ႈဢဝ်သဵၼ်ႈမၢႆ ဢၼ်ၸဝ်ႈၵဝ်ႇ ၶႂ်ႈပိၼ်ႇၽႃႇသႃႇ ဢၼ်မီးၵႃႈတီႈၾၢႆႇ Need ၼၼ်ႉၶႃႈလႄႈ။ ထုတ်ႇဢဝ် ၶေႃႈမုၼ်း ၸိူဝ်းၼၼ်ႉသေၵေႃႈ ၶႅၼ်းတေႃႈ ပိၼ်ႇပၼ်ၸူး ၽႃႇသႃႇတႆး ႁႂ်ႈပေႃး ပွင်ႇၸႂ်ငၢႆႈၼၼ်ႉလႄႈ။

####ပေႃးဝႃႈ MarkDown ၼႆ

တေလႆႈ တႅမ်ႈပၼ် ႁူဝ်ၶေႃႈ Header / Title

ပေႃးဝႃႈပဵၼ် တွၼ်ႈတႃႇ ႁူဝ်ၶေႃႈၼႆႉ တႄႇဢဝ် H1 တေႃႇ H6 ၼႆ လုၵ်ႉဢဝ် # ၼိုင်ႈဢၼ် ၸၢင်ႈၸႂ်ႉလႆႈတေႃႇ ႁူၵ်းဢၼ်ယဝ်ႉ။

#Applications
##VLC Player
#### VLC Installation

#Applications ##VLC Player ####VLC Installation

####ၸိူဝ်းပဵၼ် ထႅဝ်လိၵ်ႈ ဢၼ်တေလႆႈၸႂ်ႉၵႃႈတီႈၼႂ်း Terminal ၼၼ်ႉ တေလႆႈ ၸႅၵ်ႇသေ တႅမ်ႈပၼ်ဢေႃႈ။

ပေႃးဝႃႈ ၼႂ်းၵႄႈ တူဝ်လိၵ်ႈၼၼ်ႉ သင်ၸိူဝ်ႉဝႃႈ လူဝ်ႇလႆႈၸႂ်ႉ Code Block မႃးၼႆ ၸႂ်ႉပၼ်လႆႈ ` ဢၼ်ပိုတ်ႇဢၼ်ဢိုတ်းသေ ပေႃးဝႃႈ ပဵၼ် ပွင်ႈလိၵ်ႈၼႆတႄႉ ၸႂ်ပၼ်ႉ space ႔ ၵမ်း ဢမ်ႇၼၼ် Tab ၼိုင်ႈၵမ်း ၵေႃႈလႆႈ​ယဝ်ႈ။

တူဝ်ယၢင်ႇမၼ်း

သင်ၸိူဝ်ႉဝႃႈ ၸဝ်ႈၵဝ်ႇ ၶႂ်ႈၸႂ်ႉၼင်ႇ Administration ၼႆ ၸဝ်ႈၵဝ်ႇ ၸၢင်ႈၸႂ်ႉ ၶေႃႈပူင် sudo command လႆႈ​ယူႇ။

sudo apt-get update
sudo apt-get upgrade

ႁူဝ်ယွႆႈမၼ်းတႄႉ တူၺ်းတီႈၼႆႈ။

####လွၵ်းလၢႆး လိူၵ်ႈပၼ် ဢွင်ႈတီႈ File

ၶႅၼ်းတေႃႈ သႂ်ႇပၼ် ဢၼ်ၵပ်းၵၢႆႇလူၺ်ႈ ၵၼ်လႂ်ၵၼ်ၼၼ်ႉ​ၶႃႈလႄႈ။

သင်ၸိူဝ်ႉဝႃႈ သိမ်းပၼ်ၸွမ်းၼင်ႇ မၢႆ ဢၼ်ပၼ်ဝႆႉၵႃႈ တီႈ Need ၼၼ်ႉၼႆ မၼ်းတေသိမ်းငၢႆႈ သွၵ်ႈႁႃငၢႆႈဢေႃႈ။

တူဝ်ယၢင်ႇမၼ်း ပေႃးပဵၼ်ၾၢႆႇ ဢၼ်ၵပ်းၵၢႆႇလူၺ်ႈ 1. ၼႆၵေႃႈ ၵႂႃႇသိမ်းပၼ်ၵႃႈတီႈၼႂ်း ၽူဝ်ႇတႃႇ 1 ၼၼ်ႉၶႃႈလႄႈ။ သင်ၸိူဝ်ႉဝႃႈ ပဵၼ်ၾၢႆႇ ဢၼ်ၵပ်းၵၢႆႇလူၺ်ႈ 15. ၼႆၵေႃႈ ၵႂႃႇသိမ်းပၼ်ၵႃႈတီႈၼႂ်း ၽူဝ်ႇတႃႇ 15 ၼၼ်ႉလႄႈ။ ဝၢႆးလင်မႃး ႁဝ်းၶႃႈ ၸၢင်ႈၸႂ်ႉ ၸိူဝ်းပဵၼ် Folder လႄႈ File ၸိူဝ်းၼၼ်ႉသေ ၸၢင်ႈႁဵတ်း လမ်းၼႂ်းၵႂႃႇလႆႈဢေႃႈ။

# Summary

* [3 File Managers ](3_File_Managers/README.md)
    * [3.1 Nautilus](3_File_Managers/3.1Nautilus.md)
* [4 Desktop Add-ons](4_Desktop_Add-ons/README.md)
    * [4.1 Gnome Eye-Candy Resources](4_Desktop_Add-ons/4.1Gnome_Eye-Candy_Resources.md)
    * [4.2 Ubuntu Wallpaper](4_Desktop_Add-ons/4.2Ubuntu_Wallpaper.md)

####တွၼ်ႈတႃႇႁဵတ်း Upload/Update ၶိုၼ်ႈၸူးၵႃႈတီႈၼိူဝ် Github

git status
git add --all
git commit -a -m "My Blah Blah Session Add"
git push origin master

####ႁဵတ်း pull request ၸူး ၵႃႈတီႈ Original repo

သင်ၸိူဝ်ႉဝႃႈ ၸဝ်ႈၵဝ်ႇ ဢဝ်ၾၢႆႇ ၸိူဝ်းမႄးယဝ်ႉၼၼ်ႉသေ ႁဵတ်း push ၶိုၼ်ႈၸူးၼိူဝ် github ယဝ်ႉယဝ်ႈၼႆ တွၼ်ႈတႃႇဢဝ်ၶဝ်ၸိူဝ်းၼၼ်ႉ ​ၶူၼ်းလေႃး mearge ၵၼ်တင်း original repo ၼၼ်ႉ ၸဝ်ႈၵဝ်ႇ တေလႆႈသူင်ႇပၼ် pull request ဢေႃႈ။ ႁဵတ်းၸွမ်းၼင်ႇ ၸၼ်ႉဢၼ်ၼႄဝႆႉ ပႃႈတႂ်ႈၼႆၶႃႈလႄႈ။

start pull request

create new pull request

check your changes and create pull request

**Leave message and done **

---